Serchhip-ah Earthquake Mega Mockdrill nei

Lirnghing avanga chhiatrupna thleng thulha chhanchhuah leh chhawmdawl hna thawh dan a taka entirna leh zirhona hun Earthquake Mega Mockdrill chu nimin khan Serchhip-ah neih a ni.
Nimin-a Earthquake Mega Mockdrill neih ah hian lirnghing na tak Magnitude 7.1 vela na in Serchhip khawpui a sawi anga entirna neih niin chawhma dar 11:00-ah tan a ni a, Serchhip DC Office atanga Siren ti ri in District Emergency Operation Centre-ah DDMA Member te leh Incidence Response System Members te an tlankhawm a. Incidence Commander, District Bawrhsap Nazuk Kumar IAS hovin hnathawh zui dan tur an rel a. Chhanchhuahna hna thawktu Quick Response Team te, National Disaster Response Force leh Rescue Force hrang hrangte kokhawmin chhiatna thlenna hmunah an tir chhuak nghal a ni.


He hunah hian lirnghing avanga chhiatna thlenga In chim kar atanga mihring thi leh hliam te lakchhuah dan te, In chhawng sang atanga thi leh hliam te lakchhuah dan leh First Aid pek dan te entir niin District Disaster Management Plan in chhiatna a lo thlen thulha mawhphurhtu chi hrang hrang a ruat ten a tak ang thei ber turin hna an thawk chhin a. Chhiatna thlenna hmun leh chhanchhuahna hna thawhna hmun tinah endiktu (Observer) inruat vek a ni bawk.

Hemi hnu hian Serchhip DC Meeting Hall-ah thlirletna hun hman leh nghal niin Observers te, NDRF aiawhte, Quick Response Team aiawhte leh IRS a mawhphurhna neitu thenkhatten an thil hmuh hrang hrangte leh a tak takin heng chhiatna hi lo thleng palh ta se eng te nge kan mamawh belh tur tih te an sawiho nghal bawk a ni.

Comments

Popular posts from this blog

Tukverh-a tlasual boral