Jal Jeevan Survekshan 2023 Champions of Change-ah Serchhip District in 2-na dinhmun luah

Jal Jeevan Survekshan 2023 Champions of Change kaltlanga In tin thlengpha tui connection pek tam kawnga inelna kalpui mekah Serchhip District chuan High Achievers 4 Star Category hnuaiah pahnihna dinhmun a hauh.

Jal Jeevan Survekshan 2023 Champions of Change kaltlanga In tin thlengpha Tui Connection pek tam kawnga inelna ah hian India rama District hrang hrangte chu Category 5-ah then an ni a, In awm zat atanga tui connection pek tawh tam zawng 0% leh 25% inkarte chu 1 Star Category, Aspirants tia vuah niin hemi hnuaiah hian District 117 an awm a. Tui Connection pek tawh 25% atanga 50% te chu 2 Star Category, Performers tih niin, hemi hnuaiah hian District 206 an awm thung a. 50% atanga 75% thleng pek zawh tawh te chu 3 Star Category, Achievers tih ni ve thungin hemi hnuaiah hian District 165 an awm ve bawk a. Hei bakah hian 75% atanga 100% zo tawhte chu 4 Star Category, High Achievers tih ni ve lehin hemi hnuaiah hian District 122 an awm leh bawk a, Tui connection pe kim vek tawh (100%) te chu 5 Star Category, Front Runners tih niin hemi hnuaiah hian District 122 an awm ve bawk a ni.

Kumin October ni 1 thlenga District hrang hranga hmalakna te endikna atangin Serchhip District hi In tin thlengpha Tui Connection pek tam kawnga 75% atanga 100% zo tawh, 4 Star Category, High Achievers-ah awmin District hrang hrang 122 zingah pahnihna dinhmun a luah mek a, Serchhip District aia chungnung hi Kolasib District chauh awmin anni hian mark 64.61 an hmu a, Serchhip District hian mark 64 a hmu thung a ni. Mizoram atang hian Champhai District chuan mark 79.24 hmuin Achievers, 3 Star Category hnuaia District 165 zingah pakhatna dinhmun a hauh a, Mamit District chu pahnihna niin mark 74.37 an hmu ve bawk a ni.

Jal Jeevan Mission (JJM) kalpui anih hnu hian thingtlanga chhungkaw vbc. 7.25 te tui connection pek fel an ni tawh a, Swachh Bharat Mission Grameen hnuaiah thingtlang khua nuai 1.2 te ODF Plus a puan a ni tawh bawk. District Water and Sanitation Missions (DWSM), Deputy Commissioner Chairman-na hnuaia kalpui chuan Jal Jeevan Mission leh Swatchh Bharat Mission (Grameen) hnuaia hmalakna te hun bituk chhunga zawhfel anih theih nan theihtawp a chhuah mek zel a ni.