Fisheries Department buatsaihin nimin khan Serchhip District chhunga Sangha khawitute tan Sangha khawi chungchang inzirtirna chu New Serchhip YMA Hall-ah neih a ni.
National Fisheries Development Board (NFDB) hnuaia ‘One Day Conference/Workshop for Fish Farmers’ hi Serchhip District Fisheries Development Officer (DFDO) Lucy Lalrinpuii chuan kai-hruaiin COVID-19 hri leng avang leh Sangha khawitute tana Training neihna tur sum an hmuh khat deuh avanga hun rei tak Training an neih mumal theih loh hnua hetiang hun buatsaih leh a ni ta chu lawmawm a tih thu a sawi a, Training a tel te chuan hmasawn lehzualna tur an zirchhuah ngei a beisei thu leh chutiang tura an rilru te siam turin a chah bawk.
He hunah hian Serchhip District Fisheries Farmers Association President Hmangaih-thanga pawhin Sangha khawitute tana hetiang hun buatsaih leh a ni chu an lawm hle tih sawiin, Sangha khawitute leh Sawrkar Department ten thawhhona tha tak an neih a pawimawh thu a sawi a. Sangha khawitute chuan an tharchhuah leh a Chi an siamchhuah te an inhlut sak a tul thu pawh sawiin, chhiatna thleng palh thei ah Sangha khawitute chuan Insurance lam an ngaih pawimawh deuh deuh a tul thu a sawi bawk.
He Training-ah hian Serchhip District chhung khaw 13 atangin Sangha Dil nei mi 50 te sawm niin Fisheries Department atangin Kaptluanga, AFO leh Lalmalsawma, FD ten Sangha Dil nei tura hriat tur pawimawh hrang hrangte bakah lui lama cheng chi nungcha dang khawi chi te enkawl dan te zirho a ni a, zawhna leh chhanna hun hmangin, infuihtharna hun te hman a ni bawk.
.jpeg)
Comments
Post a Comment