Latest News

ABC Khawmpui leh Serchhip ABC kum 25 lawmna nei

Baptist Church of Mizoram (BCM)-a rorelna sang ber dawttu, Area Baptist Council (ABC) Inkhawmpui chu naktuk Pathianni hmang hian Area hrang hrangah neih a ni dawn.
Serchhip Area Baptist Council inkhawmpui 2022 leh Serchhip ABC kum 25 tlin lawmna pawh nizan hmasa atang khan Bungtlang Bial-a BCM Bungtlang Biak In-ah neih a ni a, Thupui atan ‘Tunlai thil awmzia’ tih chu hman niin Vawiin hian Serchhip ABC Silver Jubilee lawmna hi neih a ni anga, chawhnu lamah Thalai puala hun hman zui tur a ni ang.

Serchhip ABC Inkhawmpui-ah hian naktuk Pathianni inkhawm-ah Upa Nemngheh Inkhawm neih a ni dawn a, he hunah hian Upa 11 te nemngheh tur niin chawhnu lamah Lalpa Zanriah Sakramen kilho a ni dawn bawk a ni.

Kum 1996-a BCM Assembly Rorel chuan Serchhip Area Baptist Council hi siam remti in a tirah chuan Serchhip Bial leh Pangzawl Bial te a huam a, Serchhip ABC hawnna hi Feb. 26, 1997-ah neih niin tunah hian Serchhip ABC-ah hian Pastor Bial 5 a awm tawh a, an huamchhung ah hian Kohhran 20 awmin Kohhran Upa 94 an awm mek a, Kohhran member pawh mipa 3015 leh hmeichhia 3033, an vaiin 6048 an awm mek a ni.

Comments

Popular News (Last 30 Days)