Ruang 10 lachhuak tawh; PM in nuai 2 pe dawn

Hnahthial District Maudarh khua a lung lakna hmun chim in hnathawktu a chhilh zinga ruang 10 chu lakchhuah a ni tawh a, nizan hmasa khan ruang pahnih lakchhuah belh leh niin ruang dang zawn hna hi thawh chhunzawm zel a ni. He vanduaina thleng chungchangah hian Prime Minister chuan nunna chan chhungte hnenah Prime Minister's National Relief Fund atangin cheng nuai 2 pek a nih dawn bakah hliam te chu Rs. 50,000/- theuh-a kan an ni dawn tih a puang bawk.