Remna Kawtchhuah Hriatrengna Lung hawng

MNF Senior Vice President Tawnluia chuan nimin khan Parva-ah MNF Diamond Jubilee puala siam 'Remna Kawtchhuah Hriatrengna Lung' a hawng.

India sawrkar leh MNF ten inremna thuthlung an ziah hnua Mizo Hnam Sipai, Arakan a awmte lo chûanchhuahna hmasa ber 'Peace Camp' sakna hmuna 'Remna Kawtchhuah Hriat-rengna Lung' hawnna hunah hian MNF Sr. Vice President chuan MNF leh India sawrkar in inremna an neih hnuah an silaite nen Arakan atangin an lo haw tih sawiin, “Rengtlang paltlangin Luidung zawhin Parva-ah hian India sawrkar aiawh nen 'Remna Chibai' inbuk tawnin hun hlimawm tak kan hmang a. Hei hi hriatreng tlak kan tiin Remna Kawtchhuah hmun hi chhinchhiahin awm rawh se, tiin vawiin ah hian Lungphun kan hawng ta a ni,” a ti.

MNF Sr. Vice President chuan Hnam sipaite kha an in surrender lo tih sawiin, “Zoram mipuiten min au lo sela chuan Vawiin thleng hian ramhnuaiah kan la awm anga, nula tlangval in min la zawm zel ang,” a ti a. MNF in silai a neih hmasak ber an thuhrukna hmun pawh hi vawnhima enkawla, chhinchhiahna siam a tul dawn tih a sawi bawk.

Parva khua hi India sawrkar leh MNF in June 30, 1986-a inremna an ziah tihhlawhtlin a nihna tura MNF sipaite lo hmuahna hmun a ni a. Arakan atangin Rengtlang lawn liamin Parva lui kanin Hnam Sipai 392 (nunau chhiar tel lovin) an lo lut a, Martar 22 te ruhro chu a hmahruaitu ah hmangin July 24, 1986 khan Mizoram chhunga Parva khuaah hian an chawl a. India sawrkarin ropui takin a lo Welcome a, Remna Chibai inbukna hmasa ber an inbuk a ni. Parva atang hian ke vekin Bungtlang South thleng an kal leh a, chuta tang chuan MST Bus in Lunglei, Aizawl lamah thiar an ni ta a ni.

Comments

Popular posts from this blog

Tukverh-a tlasual boral