MJA thu thlen bawhzui sak

MJA Serchhip District ten Governor hnena Bharat Broadband Network Limited chung-chang an lo thlen ah Mizoram Governor chuan hma a la zui nghal.
Kumin September 29-a Mizoram Larsap in Serchhip a rawn tlawh tum khan MJA Serchhip District Member te nen inkawmna neiin he hunah hian MJA te hian thil pawimawh hrang hrang an lo thleng zingah Village Council te tana hman tur Bharat Broadband Network Limited (BBNL) in kum 5 kalta a Internet Connection an lo bun tawh tun thlenga hman theih loh chungchang hi a tel a. 

Hemi chungchangah hian hmalak a nih thu Governor chuan MJA te hi ziaka rawn hriattir in he lehkha a tarlan a nih dan chuan BBNL in kum 5 kalta a an lo bun tawh Internet Connection te hi April ni 4, 2022 khan BSNL hnenah enkawl chhunzawm tur a hlan chhawn a ni tawh a. Mizoram-ah chuan internet bunna hmun 41 chu BBNL in BSNL hnenah an hlanchhawng tawh a, heng zinga 34 te chu hman theihloh anih thu tarlan a ni bawk. Heng internet te hi hmang thei tur chuan a hmangtu tur ten BSNL lamah an hriattir thin a ngaih thu pawh Governor lehkha ah hian tarlan niin heng Internet Connection chungchanga inremna an neih te pawh a copy thiltel a ni bawk.