Mizoram leh Assam ramri buai chinfel dan tur chungchang ah State pahnih ten inbiakna an nei

Mizoram leh Assam Sawrkar aiawhte chuan nimin khan Mizoram leh Assam ramri buai chinfel chungchangah High Level Delegation inbiakna neiin ramri hnaih khua a cheng te chanchin kimchang thla thum chhunga lakkhawm nise an ti.

Nimin-a inbiakna hi Hotel Vivanta Guwahati-ah neih niin Mizoram atangin High Level Delegation hi Home Minister Lalchamliana chuan hoin Rural Development Minister Lalruatkima bakah Home Department aiawhte an tel a. Assam lam High Level Delegation hi Border Protection & Development Minister Atul Bora leh Environment & Forests Minister Chandra Mohan Patwary ten hoin sawrkar Department aiawhte tan an tawiawm bawk a ni. Assam leh Mizoram Sawrkar Minister leh Official te chuan inbiakna neia thuchhuah intawm an siam tawh te thlirletin heng hma lo lak tawhna te ngaihtuah chunga hmalakna awm thei nia an ngaihte an sawi ve ve a. Hun rei tak sawihona an neih hnuin thuchhuah intawm an siam a ni.

Thuchhuah intawm an siam ah hian Mizoram Sawrkarin ramri nia a pawm chhunga khua awmte, an area huam leh heng hmuna chengte Hnam chanchin leh chi (ethnicity) te bakah chanchin dangte chu thla thum (3) chhunga lakkhawm nise tiin heng chanchin thehluh te hi ramri buai chinfelna tura atana la din tur State pahnih aiawte telna, Regional Committee ten an enfel dawn a, chanchin lakkhawm kawnga Assam Sawrkar chuan Mizoram hi a theihna na ah a pui ang. Hei bakah hian August ni 5, 2021-a Aizawl-a inbiaknaa neia thuchhuah intawm an siam chu State pahnih ten vawng nung zel se tiin State pahnih ten ramri hrula cheng mipuite inkara boruak muanawm a awm zel thei nan thawh chhunzawm zel nise an ti a. Mizoram High Level Delegation in Mizorama kuhva chingtuten an tharchhuah State pawna Assam kaltanga an phurhchhuahnaa harsatna lian tak an tawh mek chungchang an thlen pawh sawiho niin Kuhva chingtute harsatna tawh mek chinfel anih thei nan State pahnih Chief Minister te hnenah hei hi thlen nise tih a ni.

Thuchhuah inttwm ziah a nih hnuin Assam Minsiter Atul Bora chuan chanchinbu mite hmaa thuchhuah intawm an siam hi a chhiarchhuak a, Home Minister Lalchamliana chuan Mizoram in ramri kan pawm chu kum 1875 a inziah ang a ni tih sawiin, he an tanchan tihchian nan Joint Verification an rawt a, mahse Assam lam chuan hemi atan helai bawra chanchin kimchang lakkhawm nise an ti tih a sawi a, “Kan tanchan tihchian nan thla thum chhungin details te hi kan lakhawm ang,” a ti a. Mizoram-a kuhva chingtute tharchhuah Assam kaltlanga Mizoram pawn-a phurchhuahna kawngah harsatna a thlen mek thu sawiin, India ram chhunga khua leh tui ten an tharchhuah hralhna kawnga hetiang taka harsatna an tawk hi vanduaithlak a tih thu a sawi a, chinfel anih vat thei nan Mizoram leh Assam Sawrkar ten a ruala Sawrkar laipui-a sawi leh nawr a tul takzet tih a sawi a. Mizoram Sawrkar chuan ramdang tharchhuah kuhva Mizoram leh State dangte kaltlanga tawlhruk chu a vei in a la thu tak hle a, tunhnai pawh Dan kalha kuhva tawlhruk man a ni thei nan Check Post pahnih siam belh a nih thu a sawi bawk.

Comments

Popular posts from this blog

Tukverh-a tlasual boral