Mizoram-ah COVID-19 hri kai enkawllai 33 awm

Mizoram pumah nimin tlai thleng khan COVID-19 hri kai enkawllai mi 33 an la awm.

Nimin khan Mizoram-ah COVID-19 hri kai mi 6 chhinchhiah belh leh an ni a, nimin vek khan hri kai te zingah mi 7 chu anmahni enkawlna hmun atanga chhuahtir an ni ve leh bawk. Heti hian nimin tlai thleng khan Mizoram puma COVID-19 hri kai hmuh tawh zawng zawng chu 2,38,810 niin an zinga 2,38,051 te chu enkawl dam an ni tawh a, hri kai hmuh atanga chhutin za zela 99.68 te enkawl dam ni tawhin hri kai enkawllai mi 33 an la awm a, hri kai zingah mi 726 an boral tawh a ni. Aizawl District chu COVID-19 hri kai enkawllai tamna ber la niin mi 14 enkawl an la ni a, Lunglei District-ah mi 10 enkawl la ni bawkin hri kai awmlohna District 5 a awm bawk a ni.