Kum 2 chhungin ramsa tawlhruk man tam

Nikum (2021) January thla atanga kumin October thla thleng khan Champhai District-ah dan lova nungcha tawlhruk man chhuah tum 7 awmin nungcha species hrang hrang tawlh te hi avaiin 723 a tling.

Nimin khan Champhai DFO Pisa-ah dan lova ramri kaltlanga nungcha tawlhruk chungchang ngaihtuahin Inter Agency Coordination Meeting neih niin he hunah hian January 2021 atanga October 2022 zawh thleng khan Champhai District chhungah Force leh Department hrang hrangte hmalakna in dan lova nungcha tawlhruk man chhuah tum 7 a thlen thu leh thubuai ziahluh vek niin nungcha species hrang hrang tawlh te hi avaiin 723 a tlin thu tarlan a ni a. He thutkhawm ah hian India rama Wildlife Crime hrang hrang thleng thinte zirchianga a tul anga hma la thintu, sawrkar laipui Ministry of Environment, Forest & Climate Change hnuaia Wildlife Crime Control Bureau (WCCB) hotute pawh rawn telin hmalakna hrang hrang thlirho a ni a, Convention on International Trade in Endangered Species (CITES) hnuaia tarlan nungcha tawlhruk mante chu Mizoram bikah Sahuan a tawt tawh avangin Chief Wildlife Warden berawn chungin hmalak zel dan tur Wildlife Crime Control Bureau lamah report zel ni se tiin Mizoram Sawrkar EF&CC in Sawrkar laipuia nungcha tawlhruk mante enkawl lailawkna tur Animal Rescue & Rehabilitation Centre din a nih theihna tura rawtna a thlen chungchangte pawh a tul anga bawhzui pui an tum thu an sawi bawk a ni.

Comments

Popular News (Last 30 Days)

LPG man bithliah thar