Football Rd. of 16 khel tan dawn

Serchhip Sub-Hqrs. YMA buatsaih ‘Inter-Branch YMA Football Tournament’ chu nimin khan First Round khelh zawh niin Vawiin hian Round of 16 khelh tan nghal a ni ang.

Serchhip Sports Complex-a Inter-Branch YMA Football Tournament khelh mekah hian nimin khan inkhel tum thum awm lehin inkhel hmasa berah Serchhip Field Veng Branch chuan Hmunzawl Branch chu si nga faiin an sawp a, Field Veng Branch tan hian V. Lallawmawma leh C. Laldintluanga te chuan goal hnih ve ve khungin Lalremruata chuan goal khat a khung ve bawk a ni.

Inkhel vawi hnihna ah Keitum Branch chuan Serchhip Dinthar Branch chu 4-0 in an hneh bawk a, Keitum Branch tan hian Gideon Lalhnehpuia, Jerome Thanchungnunga, Vanlalchhawna leh Zothanpuia te chuan goal khat theuh an khung a ni.

First Round inkhel hnuhnung berah Neihloh Branch chuan Thenzawl Branch-I chu si li faiin an hneh bawk a, Neihloh Branch tan Lalsiamtha chuan hattrick siamin goal thum a khung bakah Lalduhzuala chuan goal khat a khung bawk a ni.

Vawiin atangin Round of 16 khelh a ni dawn :

Inter-Branch YMA Football Tournament-ah hian nimin-a First Round khelh zawh a nih hnuah Round of 16-a inhmachhawn tur pawh hriat theih a ni ta a, Round of 16 lut zingah hian Town Branch 9 awmin Direct-a awp Branch pakhat an tel bakah Group huamchhung atanga rawn tel Branch 6 an awm bawk a ni.

Vawiin-a inkhel turte :

New Serchhip Venglai Br. Vs Thinglian Branch (10:00)

Piler Branch Vs Chhingchhip Mualpui Br. (12:00)

Chhekhnai Branch Vs Chhingchhip Venghlun Br. (2:00)

Nov. 3, 2022-a inkhel turte :

CT. Kawn Veng Br. Vs S. Chanmari Branch (10:00)

S. Vengchung Vs S. Chhim Veng Branch (12:00)

Thenzawl Bazar Branch Vs S. Kawnpui North Branch (2:00)

Nov. 4, 2022-a inkhel turte :

S. Hmar Veng Vs S. Field Veng Branch (10:00)

Keitum Branch Vs Neihloh Branch (12:00)

Comments

Popular News (Last 30 Days)

Bawngchawm tlang khualbuk rawktu nia hriat mi 2 man