Electric vanga chhiatna thleng ah SDO suspend

P&E Department Lawngtlai-a Lineman (MR) hna thawk lai Francis Rochungnunga (30) s/o Chhiahkama (L) niminpiah tlai-a Power Line a siamlai a Electric current in a man avanga a boral chungchangah a concern SDO Lalnghakliani, Lawngtlai Power Division chu suspend a ni a, Control Room-a Duty pawh Criminal Case siamsak a ni.

Thudawn danin he chhiatna a thlen hnuah P&E Department chuan hma la nghalin Lawngtlai Power Division-a SDO chu suspend nghal niin, thil thlen laia Power House-a Duty Muster Roll (MR) pakhat chu Police in Criminal Case an siam sak tawh avangin suspend anga ngaih a ni sa bawk a. Hetihlai hian a Concern JE chu Rulkual khuaa tunhnaia Electric kaihhnawih chhiatna thleng ah chhui lai mek a nih vangin suspend tura ngaih sa a ni bawk.

Vanduaina tawk a boral ta Francis Rochungnunga nupui chu sawrkar hna (Compassionate appointment) pek a ni dawn nia thudawn a ni a. Hetihlai hian October ni 14, 2022-a Lawngtlai District chhung, Rulkual khaw mi, hnatlanga P&E hnathawk an puihna lam a Electric current in a man vanga boral mi pathum te chu zangnadawmna an hmuh theihna turin Mizoram sawrkarin hmalakna a kalpui mek nia hriat a ni bawk.

Comments

Popular News (Last 30 Days)

LPG man bithliah thar