President in Mizoram-ah hmeichhia ten hma an sawn nasa nia a hriat thu a sawi

President Droupadi Murmu-i chuan Mizoram-ah hmeichhia ten hma an sawn nasa nia a hriat thu a sawi.

Niminpiah tlai-a MZU Auditorium-a hmeichhe zirlai leh zirtirtute bakah Self-Help Group Member-te nen inkawmna ah he thu hi sawiin President chuan, Sawrkar hna bakah nitina eizawnna thil ah hmeichhia te tan remchanna zau zawk siam sak a ngai tih a sawi a. Startup leh Enterpreneurship huangah pawh hmeichhia ten hma an rawn sawn zel nan chhawmdawlna tha zawk pek an ngai a ni, a ti. Self Help Group aiawh hnen atanga SHG huanga hmeichhiate hlawhtlinna te a hria chu lawmawm a tih thu pawh President chuan sawiin, SHG pawh uar zawka kalpui a nih leh hnathawh tur leh eizawnna mitam zawk tan a nih theih nan tanlak zel a ngai tih a sawi.

President Murmu-i chuan Mizoram chu ram mawi tak, ram hmul leh nungcha chi hrang tam tak awmna lai a ni tih a sawi a. Hei vang hiang Biodiversity huangah Mizoram dinhmun a pawimawh a. Mizoram Biodiversity humhim zel a nih theih nan MZU mithiamte chu a hmahruaitu ni turin a fuih a. Hemi huangah hian hmeichhiate pawhin mawhphurhna pawimawh tak kan nei a ni, a ti bawk.