Branch 15 in hming pelut

Central YMA leh Mizoram State AIDS Control Society (MSACS) thawhhona anga HIV/AIDS darh zel tur venna atana ‘Zoram Hrah Rawh-Campaign’ neih mekah Serchhip ah chuan tunkar Ningani leh Zirtawpni zan khian Mizo Hnam Lam leh Zai intihsiakna neih a ni dawn a, he intihsiakna Serchhip Auditorium-a neih tura tel tur hian Serchhip Sub-Hqrs. YMA huamchhunga YMA Branch zingah Branch 15 te chuan an hming an pelut a, an zinga Branch 4 te hi khawpui pawnlam Branch te niin a bak zawng hi Town chhung Branch te an ni a, heng Branch hrang hrangte hian inbuat-saihna an kalpui mek a ni.

‘Zoram Harh Rawh-Campaign’ hi Mizo-ram State AIDS Control Society leh Central YMA te tangkawpin Mizorama HIV/AIDS lo pung zel dona tura an thawhdunna hnuaia kalpui a ni a, District tinah District Level Committee din niin anni hmalakna hnuaiah hian Mizo Hnam lam (Cheraw leh Khuallam) hmanga intihsiakna neiin Mizo Hnam zai hmanga intihsiakna neih a ni dawn bawk a, District thenkhat ah chuan inelna hi neih ni tawhin District hrang hranga a titha thlanchhuah te hian thla thar Dec. 1 khian Aizawl-ah intihsiakna an nei leh dawn a ni.

Comments

Popular posts from this blog

Tukverh-a tlasual boral