Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Zokhawsang hawn dan tur rel

/

Zokhawsang-a Assam Rifles hmunpui hawnna inkhawm buatsaih dan tur chungchang chu nimin khan Chief Minister Zoramthanga hovin Chief Minister Office Conference Hall-ah ngaihtuah a ni a, Chief Minister chuan September thlaa New Delhi a kal tumin Union Home Minister chu Zokhawsang Assam Rifles hmun hawnsak turin a sawm thu leh ani pawhin a lo remti tih a sawi a. Hemi bawhzui hian a hawnna inkhawm buatsaih dan tur rel a ni a. Assam Rifles hmun pawimawh ber te zing a mi a nih avangin a hawnna inkhawm pawh felfai taka kalpui ngei a nih theih nan ngaihtuah tur hrang hrangte an sawiho a. Hmalak ngai te bawhzui thuai a nih theih nan Inauguration Committee siamin Member turte ruat nghal a ni bawk.

Comments

Post a Comment

Popular News (Last 30 Days)