YMA Football Tournament khel chhunzawm

Serchhip-a Inter-Branch YMA Football Tournament khelh mek ah Inrinni khan khelh chhunzawm leh a ni.

Inkhel hmasa berah Serchhip P&E Veng Branch leh Serchhip Chanmari Veng Branch te inhmachhawnin goal hnih ve ve inpe in an inhnehtawk a, Penalty Shootout hmanga chak zawk zawnna neih ah Chanmari Branch YMA te vannei zawkin 4-1 in hnehna an chang a ni. He inkhel ah hian P&E Veng Branch hian Lalnunhlua goal hmanga hma hruaiin Chanmari Branch hian Felix Lalawmpuia goal khung hmangin an sut a, Benjamin Lalruathlua goal hmangin P&E Veng Branch in hma hruai leh mah se Chanmari Branch tan Felix Lalruatsanga chuan a sut ve leh a ni.

Inkhel vawi hnihna ah Serchhip Vengchung Branch ten Serchhip Kawnpui South Branch lehthal in 4-2 in hnehna an chang a, hun chanve hma lamah Serchhip Kawnpui South Branch hian V. Lalremruata leh C. Lalhlimpuia goal hmangin hma hruai mah se Lalpekhlua leh Jerry Laldikkima te goal khung hmanga Vengchung Branch in an sut hnuah Lalruatkima chuan goal hnih khung belhin hnehna an chang a ni.

Inkhel hnuhnung berah Serchhip Chhim Veng Branch ten Hriangtlang Branch chu 7-2 in an hneh a, Chhim Veng Branch tan Lalramliana’n goal hmahruai a khung hnuah C. Lalduhzuala chuan goal hnih khungin Rodinsanga chuan hattrick siamin goal li a khung ve leh a, Hriangtlang Branch tan Lalengliana chuan goal hnih a khung bawk a ni.

Vawiin-a inkhel turte :

Thenzawl Bazar Branch Vs Chhingchhip Venglai Br. (10:00)

S. Kawnpui North Branch Vs Darnam Branch (12:00)

Thenzawl Kanan Branch Vs S. Hmar Veng Branch (2:00)