Wildlife Week pualin hmang

Rampum-a Wildlife Week vawi 68-na hman mek pualin nimin khan Govt. Serchhip College-ah nungcha te humhalh a pawimawh zia inzirtirna neih a ni a, he hun hi GSC Department of Botany-a Asst. Professor Dr. Vanlalhmangaihzuali Ralte chuan kaihruaiin Serchhip District Honorary Wildlife Warden RL. Chhuanawma chuan khuallian niin a hmanpui a, nungcha, thing leh mau leh kan chenna leilung humhalh, enkawl leh vawnhim a tulna hrang hrang te a tarlang a ni. Nimin-a he hun hmanna ah hian VL. Hruaitluangi, 5th Semester B.Sc in paper a buatsaih chu zirho a ni a, Lalhriatkima, 5th Sem B.Sc chuan lawmthu sawiin hun a khár a ni.