Unau thattu a puh man tawh

Kumin September 11-a Aizawl Vaivakawn Zohnuai Four Lane bula unau mipa pahnih thattu a puh chu Police ten manin thubuai an siamsak a, Central Jail-ah dahluh an ni tawh.

Serchhip khua a cheng thin Zoparmawia (27) leh a nau Hmangaihsanga (25) te hi Sept. 11, 2022 tlai leh a tuk tlai-ah khan Vaivakawn Zohnuai Four Lane bulah an ruang chhar niin a tirah tute nge an nih hriat ni lo mah se anmahni finfiah a nih hnuah a pa chenna, Aizawl Salem Veng-ah an ruang hi lain vuiliam an ni a. He thihna thleng hi Police te chuan chhui zuiin mi engemaw zat thu an zawhfiah hnuah tualthattu a puh hi Police te hmaah a inpuang a, 326/22 Under Section 302 IPC leh 330/22 Under Sectoin 302 IPC hmangin thubuai siamsak a ni.

Police hotute sawi danin, tualthahna thlenna chhan hi pawisa chungchang vang niin, tualthattu hian unau mipa pahnih te hi a hran ve ve in kut a thlak a, pakhat zawk chu thingin a lu-ah vuain, pakhat zawk chu bottle in a lu -ah a vuak bakah, bottle kehin a hmai-ah te pawh a nawr niin Police te hma ah a inpuang a. Ruang chharna hmun a thawmhnaw awm te Forensic Science Laboratory (FSL) a endik atangin tual-thattu hi amah ngei a ni tih nemngheh a ni bawk.