Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Thli in chhiatna thlen

/

Nizan hmasa khan Cyclone Si-trang si per nia hriat in Mizoram hmun hrang hrang nuaiin chhiatna thleng hriat tur a awm nual.

Hriat theih chinah Siaha District-a Noaohtla khuaa Refugee Camp pahnih chu thliin a tichhia a, New Siaha West-ah In pakhat tichhiain, Siahatla-ah Assam Type In pakhat chung a lak bakah Khopai khuaah In pakhat a tichhe bawk. Hnahthial District-a Darzo khuaa MZP Assembly vawi 66-na nimin atanga hmanna tur Pandal, Liandala Rûn tia vuah chu thli tlehin a nuai chhia a, nimin khan khawmpui-a kal Palai ten hnatlang in a siamthat hna an thawk bawk.

Heng bakah hian Lunglei District Bung-hmun RD Block huamchhunga Laisawral Sub-Centre building chu thli hian lenchhia in Lunglei Serkawn-a In pakhat chu thli in an tuizem a lentluk in delhin an In hi a chhe bawk a, Mamit District-a Tuidam leh Kawrtethawveng-ah In pakhat ve ve chhe bawkin, Saitual District-a Teikhang khuaa In pakhat chu thli hian an In chung a tichhe nual bawk a ni. Heng bakah hian hmun hrang hrangah Thli hian buh hmun a tichhe bawk a ni.

Comments

Post a Comment

Popular News (Last 30 Days)