Sericulture Deptt. in sem

Mizoram sawrkar in Family Oriented SEDP a kalpui mekah Line Department hrang hrang ten an Department hnuaia tanpuina dawng turte Account-a sum thun turin hma an la mek a, Sericulture Department chuan Serchhip District chhung Assembly bial pathum-a an beneficiary mi 21 te hnenah Zirtawpni khan 1st Instalment Rs. 25,000/- chu an thun fel ta a, Sericulture Department hnuaiah hian Serchhip Bial-ah mi 5, Tuikum Bial-ah 8 leh Hrangturzo Bial-ah mi 8 bawk ten tanpuina hi an dawng a ni.

Tarlan tawh angin Land Resources, Soil & Water Conservation Department chuan an Department hnuaia beneficiary mi 42 te hnenah tanpuina sum hi semchhuak tawhin Horticulture Department pawhin an Department hnuaia beneficiary 697 te sum dawn tur chu Bank Account-ah an thun sak mek bawk a ni.