Serchhip-ah YMA Branch 32 te inelna tur Inter-Branch YMA Football Tournament khelh a ni dawn

Serchhip Sub-Hqrs. YMA buatsaih Inter-Branch YMA Football Tournament chu tun thla ni 25 atang khian Serchhip Sports Complex-ah khelh a ni dawn a, nizan khan he Tournament Kick-Off Programme chu hman a ni a, thla thar November 11, 2022-ah zofel tura ruahman a ni.

YMA Branch 32 telna tur Inter-Branch YMA Football Tournament Kick-Off Programme nizan-a Serchhip Sub-Hqrs. YMA Conference Hall-a neih ah hian Serchhip Sub-Hqrs. YMA President Kawlthuama chuan he Tournament hi a kick-off a, he Tournament hi ruihhlo dona kawnga hmalakna a nih thu sawiin, he Tournament-a tel YMA Branch hrang hrangte pawh YMA rilru pu chunga khel turin a chah a ni.


He hunah hian Serchhip Sub-Hqrs. YMA Vice President Lalrammawia chuan Serchhip in Sports Stadium a neih dawnin Serchhip Sub-Hqrs. YMA chuan nasa taka hma a lo lak tawh thu a sawi a, a nih ang anga peihfela hawn a nih hnuah YMA chuan Tournament lian buatsaih tuma ngaihtuahna an lo sen tawh thin thu sawiin, amaherawh chu hripui a len avanga hmalak zui theih a nih loh thu leh hri in ziaawm lam a pan veleh a Sports and Recreation Committee te hmalakna a sum tam tak senna tur a hlawhtlinna hmuh tur a awm ta chu lawmawm a tih thu a sawi bawk.

He hunah hian Serchhip Sub-Hqrs YMA Sports and Recreation Committee Chairman Zomuana Hnamte chuan he Tournament hi ruihhlo dona kawnga ke penna atana buatsaih a ni tih sawiin, he Tournament buatsaih tur hian Serchhip District Football Association (SDFA) te nen thawhhona thui tak an neih thu a sawi bawk.

Ruahman lawk ang chuan he Tournament hi Oct. 25,2 022-ah tanin a tan ni hian New Serchhip Venglai leh North Vanlaiphai Damdawi Veng Branch YMA te an inhmachhawn dawn a, Knockout System-a khel tur niin Nov. 2, 2022 atangin Round of 16 khelh a ni ang. He Tournament-a Champion Team hian Rs. 50,000/- leh Dekchi an dawng anga, Branch tel zawng zawng tan pawh lawmman siam a ni ang.

Comments

Popular News (Last 30 Days)

LPG man bithliah thar