Poshan Abhiyan leh PMVVY chungchang sawiho

Nimin khan Serchhip-ah Poshan Abhiyan hmalaknaa Department dangte nena thawhhona chungchang leh PMMVY kalpui mekte thlirho in District Bawrhsap hova thutkhawm neih a ni.
He thutkhawm Serchhip DC Meeting Hall-a neih hi Bawrhsap Nazuk Kumar IAS chuan kaihruaiin East Lungdar ICDS Project-a CDPO Laldinpuii, PMMVY-a Serchhip District Coordinator F. Hmingthankimi, Poshan Abhiyan-a District Coordinator James Lalremliana leh Line Department aiawhte an tel a, he hunah hian Anganwadi Centre zinga Tui connection la nei lo te, Electric Connection la nei lo te leh LPG Connection la nei lo te chungchang bakah Nutri-Garden la nei lo Centre te hmalakpui dan turte sawiho a ni a. Nu leh naupang Adhaar Card la nei lo leh Adhaar leh an Bank Account la thlunzawm lote tan a bika East Lungdar ICDS Project huamchhung khaw 11-a Anganwadi Centres 48 huama Bank Account Opening & Adhaar Generation Camp neih dan turte pawh ruahman a ni.

He hunah hian PMMVY 1.0 kalphung leh PMMVY 2.0 a kalphung inthlak danglam awm inhrilhhriatna te, PMMVY hmalakna kalpui meka District dinhmun te, Severe Acute Malnutrition hmalakna te thlirho a ni a. Severe Acute Malnutrition hi case 16 hmuhchhuah niin an zinga case 10 hi dinhmun pangngai ah hlankai tawh an ni a, naupang dang parukte hi uluk taka la vil zui mek an ni.

Comments

Popular News (Last 30 Days)

LPG man bithliah thar