Nakum-ah chawlh ni 26 awm

Mizoram sawrkar chuan nakum (2023)-a sawrkar Pisa chawlh tur tichhuakin sawrkar chawlh ni 26 a awm dawn a ni.

General Administration Department (GAD) in thuchhuah siama a tarlan sawrkar Pisa chawlh zingah hian thil danglam lutuk a awmlo niin a lang a, Missionary Day, State Day, Chapchar Kut, Good Friday, YMA Day, Remna Ni leh MHIP Day te chu Mizoram-a chawlh langsar niin heng bakah hian National Day leh Sakhaw ni pawimawh dang te chawlh ah puan a ni bawk.

January leh December thla ah chawlh tam bein vawi 4 ve ve chawlh a awm dawn a, April leh June thla ah vawi thum ve ve awmin March, July, October leh November thla ah vawi hnih theuh leh February, May, August leh September thla ah ni khat theuh chawlh a awm ang.

Heng bakah hian Restricted Holiday ni 33 a awm dawn bawk a, heng zinga ni hnih (2) chu mi pakhat in chawlh lakna atan an hmang thei dawn bawk a ni.