MPCB-in PUCC test-na hawn belh ngai ti lo; Kum 10 chhungin test-naah nuai 34 hloh

/

Mizoram Pollution Control Board (MPCB) chuan lirthei khuin boruak chhia a pekchhuah zat tehna, Pollution Under Control Certificate (PUCC) test-na hmun chu tuna neih mek bak hawn belh ngai an ti lo.

MPCB Member Secretary Er. C.Lalduhawma hnen atanga thudawn danin tuna Aizawl khawpui chhunga PUCC test-na hmun thum chu tunhnaiah test an tam avangin an buai deuh a; amaherawh chu harsatna hi a ziaawm thuai an beisei tih a sawi a. MPCB Secretary chuan PUCC test-na chu hawn belh mai a buaithlak tih sawiin, “Test-na hmun thar hawng tur hian khawl manah nuai hnih vel a ngai a, hei mai bakah thawktu pahnihte hlawh bakah Inluah man chawi a ngai a; chuvangin, tunah awmsa hi tawk rihah kan ngai a. Truck tan bik hian tuna kan test-na hmun hi pan a harsat avangin Rangvamual-ah test-na hmun siam erawh kan tum a. Hei bakah District lam leh Aizawl khawpuia kalkual turin Mobile Van neih te kan rilruk deuh a ni,” a ti a.Tun dinhmunah PUCC test-na hi Aizawl khawpui chhung hmun thumah leh Lunglei-a hmun khat-ah te dah mek a,  a. Kum 10 kalta chhung khan PUCC test-na atang hian Rs. 34,69,000 an hloh niin MPCB Member Secretary chuan a sawi bawk

Er. C.Lalduhawma chuan dan pangngai ang chuan tuna khawl neih sa hian mamawh a phuhru nia an hriat thu sawi bawkin, “Nikum chhung khan Mizoram pumah lirthei 8,587 test a ni a, ni tin Centre pakhat ah motor 10 zel test ang a ni a. Kumin April atanga August thleng khan lirthei 6,661 test niin ni tin 14 test ang a ni a. Lirthei 14 hi chu Centre pakhatah darkar chanve test ang vel a ni a. Tunhnaiah tlemin kan buai deuh a; mahse, a ziaawm leh mai dawn avangin kan khawl neih sa hi tawk hrihah kan ngai a ni,” a ti. 

Tun hnaia test an tam chhan chu sawrkar laipuiin dan thar a siam vang nia a hriat thu pawh sawiin, tunah chuan test zualpui chu an zo tawh a, test tura intlar pawh an awm tlem tawh niin a sawi a, thla thum (3) vel an enthla ang a, chumi hnuah chuan thil awm dan azirin Centre chu la hawn belh an tum chauh niin a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »