MP leh Taiwan Palai inkawm

India-a Republic of China (Taiwan) palai, Baushaun Ger chuan Zirtawpni khan Lok Sabha MP C. Lalrosanga chu Delhi-a a chenna In-ah tlawhin India nena thawhho theih dan tur a sawipui a. Mizoram thing leh mau atanga thil siamte leh lakhuihthei leh theirah dangte thawnchhuah chungchangte a sawipui a ni. Baushaun Ger chuan Taiwan-ah India mi zirlai 3,000 vel an awm a ni tih sawiin, zirna leh eizawnna kawng thar siam thei beisei thu a sawi a. Semi conductor siamna lamah thawhho theihna kawng awmte a sawi bawk. Lok Sabha C. Lalrosanga chuan thawhdun theihna kawng dapin India leh Mizoram sawrkar thuneitute a lo sawipui tur thu Taiwan palai a hrilh bawk. Taiwan palai in a lo sawipui tawh angin an ram fang tura an sawmna pawh phalna a hmuh chuan tihhlawhtlinsak ngei a tum thu a hrilh a ni.

Comments

Popular posts from this blog

Tukverh-a tlasual boral