Mizoram in Bronze Medal la

National Games of India 2022 neih mekah Mizoram chuan nimin khan Medal lain Mizoram hian Weightlifting inelna ah Bronze Medal a la a ni.

National Games vawi 36-na hi Gujarat State-ah neih mek niin nimin khan Mizoram aiawha kal te hian Medal hmasa ber an la a, Mizoram tana Medal hmasa ber hi Zakhuma’n Weightlifting inelna ah a lak niin kg. 61 Category-ah Bronze Medal a la a ni. He inelna ah hian Zakhuma hian Snatch-ah kg. 113 leh Clean & Kerk-ah kg. 141kg, a vaiin kg. 254 a chawi a. A tluk loh te hi Arunachal Predesh aiawhtu Charu Pesi (259kg) leh Services aiawhtu Muna Nevek (Services) 255kg te an ni.

National Games-ah hian Mizoram atangin mi 60 an fehchhuak a, Vawiin hian Jacob Vanlaltluanga (67kg ), Ainawn Veng chu rit chawi inelna ah a inlan ve leh dawn a, hei bakah hian Hmeichhe Football inelna pawh Vawiin hian khelh tan tur niin Wrestling inelna chu Vawiin hian zo hman tura ruahman a ni bawk a, Swimming-a inelna pawh Vawiin hian neih tan tura ruahman a ni bawk.

Comments

Popular posts from this blog

Tukverh-a tlasual boral