Man to taka Ui lei sum luanralna ah ngai

ZPM Thalaite chuan MNF sawrkar-a man tam taka Ui leh chu sum tam tak luanralna nia an hriat thu an sawi.

Nimin-a thuchhuah an siam ah ZPM Thalaite chuan RTI zawhna sawrkar in a chhanna atanga a lan danin MNF sawrkârin Central atanga an sum hmuh atangin August 2, 2019 khan Ui fing pariat (8) leiin, Ui leina man, training pêkna senso leh an chaw leh damdawi man bâkah, an chênna tur In sakna senso atân an sum hmuh Rs. 18,40,000/- an sêng tawh tih an tarlang a, heng bakah hian an chaw leh thildang mamawhah Home Department in cheng nuai 4 chuang an sêng tawh bawk nia tarlangin, Narcotic Detection Dog-te hi Aizawl, Champhai leh Kolasib-ah te duty tirin, Operation-ah an hruai thin niin tarlan a ni bawk tih an tarlang a. Hetihlai hian, hêng Ui fingte hi lei an niha, training pêk an nih hnuah pawh an duty-na ah Vawiin thlengin ruihhlo chhuichhuah kawngah emaw, thildangah emaw achievement chhinchhiahtlâk engmah an la neih loh thu RTI chhanna ah tarlan a ni bawk niin an tarlang.

ZPM Thalaite chuan chhawrna mumal awm leh si lova hetianga Ui man tam lei a ni hi sum tam tak luan ralna nia an hriat thu an thuchhuah ah chuan tarlangin, “MNF sawrkâr hmasaka Police mawza man tam leh ek In kal thei-te nen khan sum siamna leh thil thuhmunah kan ngai. Mizoram sawrkâr chu a enkawl thiam bâk thil leh sum siamna niawm a lang thilah inhambuai tawh lova, mipuite hlawkna tur leh thatna tura chak taka hna thawk zawk turin kan ngen a ni,” an ti bawk.