Kumin ah damdawi hmansual vangin mi 32 thi tawh

Kumin January atang Zirtawpni kalta (28.10.2022) thleng khan Mizoram-ah damdawi hmansual vangin mi 32 an thi tawh.

Excise & Narcotics Department chhinchhiah danin kumina damdawi hmansual vanga thi 32 zinga 29 hi mipa niin midang pathum hi hmeichhia an ni a. Damdawi hmangsual zinga 11 te thihpui hi Heroin a ni a, a dang 21 hi Heroin leh thildang chawhpawlh hmang te an ni. Excise & Narcotics Department chhinchhiah danin kum 1984 atanga October 28,2022 thleng khan Mizoram-ah damdawi hmansual vanga thi 1725 an awm tawh a, an zinga 1521 hi mipa niin hmeichhia 204 an awm bawk. Damdawi hmangsualtute thihpui tam ber chu Proxyvon/ Parvonspas a ni a, mi 1161 an thi a. Heroin vanga thi 225 awmin mi 339 te chu damdawi hrang hrang tihpawlh te an ni.

Comments

Popular posts from this blog