Jt. VC in DTO hnenah thlen

Serchhip Bazar leh a chhehvel Parking Area a lirthei dah thin chungchang chu nimin khan Serchhip Joint VC ten Serchhip DTO an sawipui.
Serchhip Joint VC te hian an Chairman B. Vanlalngura hovin Serchhip DTO C. Lalawmpuia chu kawmin, Serchhip Bazar-a Parking Area ah chhun leh zan-a lirthei dah reng, Garage ang maia hmang thin an awm thu sawiin, heng te hian mipui, Bazar vel-a chhuak leh lirthei dah duh te tan harsatna an siam thu an sawi a, Parking Fee khawntute pawhin heng mi te hi a thla bi in pawisa an chawi tir mai thin nia an hriat thu an sawi a ni.


Serchhip DTO chuan hetianga ti thin hi an awm a nih chuan thil tha lo tak a nih thu sawiin, Parking Fee kawntute chuan Parking Fee an khawn tur a nih thu leh Garage ang maia Fee an lo khawn a nih chuan thil dik a ni lo tih a sawi a. Hemi chungchang hi Parking Fee khawntute an lo sawipui nghal tur thu sawiin, VC te chu thil awmdan an hriattir leh nghal tur thu an sawi a ni. Hei bakah hian Motor Registration ti thar tur te tana VC ten lehkha an siam sak thin chungchang pawh he hunah hian an sawiho nghal bawk a ni.

Comments

Popular News (Last 30 Days)

LPG man bithliah thar