World Mental Health Day pualin hun hman a ni
World Mental Health Day pual hian Thenzawl-a Presbyterian English School-ah hun hman niin thupui atan 'Make Mental Health and Well-being For All a Global Priority' tih chu hman a ni a, DMHP-a Psychiatric Social Worker ZD. Lalhmangaihzuali chuan kaihruaiin Resource Person atan Jane Zodingliani Lailung, Clinical Psychologist chu hman a ni a, he ni thupui sawifiahin khawvel mipuite hian rilru hrisel neih kan tumna kawngah hma kan sawn chak lehzual nan hemi kawng hi kan ngaih pawimawh lehzual a tul thu a sawi a. Chu mai bakah rilru lama harsatna nei te a lanchhuah dan tarlangin, rilru hrisel neih theih dan leh rilru hrisel nei tura mimal leh khawtlang tanrualna leh ngaih pawimawh a tul zia te a sawi a. Hei bakah hian ruihhlo laka naupang te inven theih dan turte zirho a ni bawk.
He hunah hian NTCP-a Data Entry Operator Lalramnghaka Kawlni leh Social Worker te C. Lalrempuia te chuan zirlai naupangte tan Quiz an buatsaih nghal bawk a, C. Lalmuanchhani Psychiatric Nurse chuan lawmthu sawina hun a hmang bawk a ni.
Comments
Post a Comment