Hmasawnna ruhrel bunna thlan uluk a ngai - DM&R Minister

Disaster Management & Rehabilitation Department changtu Minister Lalchamliana chuan hmasawnna tluantling leh rotling nei tur chuan hmasawnna ruhrel bunna hmun thlan uluk leh fimkhur a ngaih thu a sawi.

Disaster Management & Rehabilitation Department leh National Institute of Disaster Management, New Delhi te tangkawp in an buatsaih ni 3 awh tur hmasawnna atana ruahmanna siam dawna chhiatrupna thleng palh theite hre tel a, tawrhna ti tlem zawnga chung thil te zirchian leh telh dan tur zirhona Assembly Annexe-a an buatsaih nimin-a a hmanpuina ah he thu hi a sawi a, DM&R Minister chuan Mizoram leh India rama chhiatrupna thleng thei hrang hrangte hre tel ranin hmasawnna atana hmalakna zawng zawngah chutiang ram ti derthawng leh zual tur te leh chhiatrupna thleng thei tipunlun zawng lova tawrhna thlen theite vengthawng tak chunga ruahmanna kalpui a tul thu a sawi a. Ram leh khawtlang inpuahchah tha chuan harsatna pawh lo thleng thut palha an tawrh leh hloh a nep deuh a, lo hmachhawn dan an thiam a, nunphung pangngaia let leh te leh din khawchhuahna hun tha an neife zawk thin thute a sawi a ni.

Ni 3 chhung inzirtirna ah hian National Institute of Disaster Management, New Delhi atanga mithiam lo kalte leh Disaster Management & Rehabilitation mi ten zirtirna an pe dawn a. Mizoram Sawrkar Department hrang hrang 50 zet atangin Officer rual an tel a ni.

Comments

Popular News (Last 30 Days)

LPG man bithliah thar