Governor in hamthatna dawngtute a kawm

Serchhip tlawha rawn zin Governor Hari Babu Kambhampati chuan nimin khan PMUY leh PMAY (U) hnuaia hamthatna dawngtute a kawm.
Governor Hari Babu Kambhampati hian nimin chawhnu khan Chhiahtlang Venghlun-a Pradhan Mantri Ujjwala Yojana (PMUY) hnuaia a thlawna eirawngbawlna Gas Connection dawngtu Lalchhanhimi te chu tlawhin a kawm a, Governor chuan Gas Connection an neih hmaa an dinhmun leh Gas Connection an neih dan te zawtin, Lalchhanhimi te hian Gas Connection an neih hma hian midang ta hawha eirawng an inbawl thin thu sawiin, Gas Connection an dil atanga thla khat chhung vel leka an dawn thu leh an lawm thu Governor hnenah hian an sawi a, he hunah hian Serchhip DCSO Lalthanmawia leh MIZOFED Serchhip Branch Manager FC. Malsawmtluanga te chuan an lo dawngsawng a ni.


Hemi hnu hian Chhiahtlang Chhim Veng a Pradhan Mantri Awas Yojana-Urban (PMAY-U) hnuaia In sak tanpuina dawngtu Kapthiangi leh Rozami te In pawh Governor hian tlawhin In neitute nen inkawmna an nei a, Governor zawhna chhangin In neitute chuan tanpuina an dawn tur ang te kim taka an dawn thu an sawi a, sawrkar hmalakna zarah In tha tak an nei thei ta chu an lawm hle tih an lo sawi bawk a ni. Governor hi UD&PA Department-a thawktute chuan an lo dawngsawng a ni.

Governor chuan Central atanga Welfare Scheme tam tak te leh Social Security Scheme tha tak tak te tun aia nasa in mipui nawlpui hnenah zirtirna pek a la ngai tih a sawi a. Heng hmalakna tha tak tak leh hamthatna awm thei te hi tunah hian a dawng tur zatin in an la dawn a rinawm lo hle a. Heng Scheme kaihnawih Department a Sawrkar hnathawkte leh Banker ten mawhphurhna pawimawh tak hlen tur an nei a ni, a ti. Governor hi Serchhip SP Stephen Lalrinawma leh Addl. DC Lalmuansanga Ralte ten an tawiawm a ni.

Comments

Popular posts from this blog

Tukverh-a tlasual boral