Faina Hapta hman dan tur rel

Kumin-a Faina Hapta hman dan tur relin nimin khan Serchhip District Sanitation Task Force chu Serchhip DC Meeting Hall-ah Serchhip Addl. DC Lalmuansanga Ralte kaihhruaiin an thukhawm.
He thutkhawm ah hian tun thla ni 2 atanga 8 chhunga State Level Committee in Faina Hapta hman tur ni indawt-a hmalak dan tur hrang hrang ruahmanna a siamte thlirin, hemi zul zuia Serchhip-a Faina Hapta hman dan tur hi duan a ni a. Swachh Amrit Mahotsav pualin October ni 2 atanga ni 17 inkar chhungin bawlhhlawh thliarhran dan (Segregation of Waste at Source Campaign) inzirtirna kalpui tur a ni dawn bawk a ni.

Ruahmanna siam dan chuan Vawiin hian Veng hrang hrangah Faina neih tan tur niin he Hapta hawnna inkhawm chu karleh Thawhtanni khian neih a ni anga, Hapta hman chhung hian Faina Palai (Ambassador) ten In leh dawr-ah te, Bazar hmunah te, Pisa-ah te leh zirna In-ah te bawlhhlawh thliarhran dan inzirtirna an nei kual ang a, aurinna hmanga inhrilhhriatna te pawh kalpui tur a ni anga, Serchhip khawpui chhunga Veng fai inelna kalpui a ni bawk ang. Faina Hapta kharna hi tun thla ni 8 khian neih tura rua-hman a ni bawk.

Comments

Popular posts from this blog

Tukverh-a tlasual boral