Dan lova leitha lakluh endik dan tur sawihona nei

Nimin khan Kolasib-ah Dan lo-a leitha phurhluh a awm loh nana endikna uluk zawk a kalpui dan tur rel a ni.

Kolasib District Vigilance Committee on Fertilizers thukhawm DC Conference Hall-a neih ah hian District Bawrh-sap John LT. Sanga chuan huan leh lo enkawlna tha taka kalpui a nih theih nan leitha hman dan tawk bithliah a awm thu leh a lakluh leh tihral chungchangah pawh Dan mumal tak a awm thu a tarlang a. Dan lo a leitha phurhluh a awm loh nan Kolasib District luhka hrang hranga Police, Taxation Department leh Food, Civil Supplies & Consumer Affairs Department Check-Gate ah te endikna uluk zawk a kalpui a tul thu a sawi bawk.

He thutkhawmah hian zau zawka leitha zawrh leh hralh chungchanga Dan awmte inhrilhhriat a nih theih nana hmalak dan tur te, loneituten tangkai taka an hman theih nan hunbi mumal tak siama Kolasib District chhunga leitha dinhmun inhrilhhriatna neih dan tur te leh District luhka hrang hranga endikna uluk zawk a kalpui dan tur te sawiho a ni a. Kumin February atanga August thla thleng khan Dealer-te kaltlangin Kolasib District-ah Urea MT 644.18 lakluh tawh a nih thu leh loneitute mamawh, Di-Ammonium Phospahte (DAP) leh Muriate of Potash (MOP) erawh dawn a nih loh thu tarlan a ni bawk.

Comments

Popular News (Last 30 Days)

LPG man bithliah thar