Congress in lungphum phum tawh tih hlawhtlin tum

Mizoram Pradesh Congress Committee (MPCC) chuan Pathian leh Mizoram mipuite zarah sawrkarna an siam leh a nih chuan MNF sawrkarin lung a phum ve ringawt, tih hlawhtlin ngaihna an hriat lohte chu tihhlawhtlin leh vek an tum thu an sawi.

MPCC Media Department chuan MPCC President Lalsawta'n Aizawl East II bial a enkawl laia a hnathawh hrang hrangte nimin khan an tlawh tih sawiin, “Aizawl East-II huamchhung Veng hrang hrang tana rotling (asset) zawng zawng deuhthaw chu Pu Lalsawta hnathawh a nih zia a takin kan hmu a ni,” an ti a. Hemi rual hian bialtu MLA leh Sports Minister ni bawk Robert Romawia Royte-in hnathawh a tum, lungphum a phum tawh thenkhatte an en tel bawk tih sawiin, “MLA inthlan dawna a intiamna te chu a ti hlawhtling tha lo hle a, bial chhung inkalpawhna thenkhat phei chu MLA a nih hnu a khawih danglam la ni miah lo ang mai a zawh tlak loh hialte pawh a awm a ni,” an ti.

MPCC Media Department chuan MNF Ministry chu an kalna apianga awlsam taka lung phum mai thei, a tak tak a hnathawh hmuh tur awm leh si lo nia sawiin, “Pathian leh Mizoram mipuite zarah Congress Party-in Sawrkarna kan siam leh a nih chuan Tuirial Hydel Project leh Falkawn Referral Hospital kan lo tih hlawhtlin tawh ang bawkin MNF sawrkarin lung a phum ve ringawt, tih hlawhtlin ngaihna an hriat lohte hi tihhlawhtlin leh vek kan tum a ni,” an ti a ni.

Comments

Popular posts from this blog