Union Minister hovin hmalakna thlirletna neih a ni

Union Minister of State for Consumer Affairs, Food & Public Distribution and Rural Development Sadhvi Niranjan Jyoti chuan nizan hmasa khan Aizawl-a Hotel Floria ah Rural Development, FCS&CA leh PWD te chu a Ministry enkawl kaltlanga Scheme leh Project hrang hrang thawh mek te dinhmun thlirletna hun a neihpui.

He hunah hian Sadhvi Niranjan Jyoti chuan Central Sawrkar chu ruahmanna hrang hrang siamtu ni mahsela a taka hna thawktute chu State Sawrkar hrang hrangte an ni tiin Central Sawrkar chuan State Sawrkar te chu ang khatin a en vek thin thu a sawi. Sawrkar chu mitin ta, mitin tan anih thu sawiin, Prime Minister chuan ramchhung state zawng zawngten rualkhai taka hma an sawn nan theihtawp a chhuah mek thu a sawi bawk.

He hunah hian Rural Development Minister Lalruatkima pawhin Central Sawrkarin in hripui len laia kawng hrang hranga Mizoram Sawrkar a puihnaah lawmthu a sawi a. Thintlang lamin hma an sawn ve loh chuan khawpui ringawt hmasawnna in rualkhai takin hmasawnna a thlen lo thu sawiin, Mizoram Sawrkar chuan kawng hrang hranga thingtlang hmasawnna chu a ngai pawhmawh berte zing a mi a nih thu a sawi bawk. He hunah hian RD Department in MGNREGS, PMAY leh MzSRLM hnuaia hma an lak mekte leh PWD in PMGSY hnuaia hma an lak mekte tarlan a ni.