Tualchher Silai siamchhuah Dan in a khap - DC Serchhip

Serchhip District Bawrhsap chuan Tualchher Silai siam chhuah chu Arms Rules, 2016-a ziak angin khap bur a ni tih a sawi.

Serchhip District chhunga silai siamtu (gunsmith) ten an hriattur leh zawm ngei ngei tur tunhnaia a tihchhuah ah Serchhip District Bawrhsap Nazuk Kumar IAS chuan Gunsmith licence neite pawhin an siam/khawih theih chin Minor Repair bikah Arms Rules 2016-a Rule 77-na Form IX-A leh major repair bikah Form IX-a inziak angin siam/khawih phalsak an nih thu tarlangin, Tualchher silai siam chhuah chuArms Rules, 2016-a ziak angin khap bur a ni tih a tarlang a. Gunsmith license nei lovin silai siam/khawih that hna an thawk tur a ni lo tih pawh tarlangin, The Arms Rules, 2016 Part IV a inziak angin, silai siamtuten silai siamna leh a that leh that loh enchhin nan hmun fianrial, mipui vantlang tana hmun him chinah chauh an siamin an awm tur a nih thu leh Kangmei laka mipui vantlang an lo him zawk nan kangthelhna (firefighting devices, adt.,) hman theihin an hung / kawl reng tur a ni tih a tarlang bawk.