SDVA buatsaih Season Opening Volleyball Tournament khelh zawh a ni
Serchhip Vengchung Volleyball Court-a khelh he Tournament kharna inkhawm nimin chhun-a neih chu Mizoram State Commission for Protection of Child Right-a Member J. Malsawmzuala Vanchhawng chuan khuallian nia hmanpuiin naupang ten an chanvo dik tak an chan a, an seilenna tur chhungkuaw nuam kan siamsak chuan khua leh tui tha, chhungkua leh ram tana mi tangkai an la ni dawn tih a sawi a. Chutiang nilo a kan hlamchhiah anih chuan chhungkua mai nilo, khawtlang tana mi hnawksak an la ni thei tih sawiin, hei hian chhungkua leh khawtlang mai nilo, Kohhran thleng te pawh in a nghawng thin a, kan hmalam hun chu naupang ni mek te kan enkawl dan hian a hril thu a sawi a. Infiammi kalkhawmte chu chhungkaw tha, naupang te thlamuang taka an seilenna tlak ni tura inbuatsaih turin a sawm bawk.
He Tournament kharna inkhawm hi SDVA President K. Tlangthanmawia chuan kaihruaiin he innelna ah hian Mipa-ah Team 16, Hmeichhia-ah Team 9 leh Veteran (kum 40 chunglam)-ah Team 8, an vaiin Team 33 an tel a. Veteran-ah Grace Pharmacy & VTS Vengchung chuan Bungtlang Veteran Team chu 2-1 (21-25, 25-15, 25-18) a hnehin an champion a, Champion hian lawmman ah Rs. 5000/- leh pahnihna in Rs. 2000/- an dawng a. Hmeichhe inelna ah Bungtlang Volleyball Club chuan Vengchung Volleyball Club (Blue) chu 3-1 ((25-14, 23-25, 25-23, 25-12) ) a hnehin an champion a, Champion Team hian lawmman ah Rs. 8000/- leh pahnihna in Rs. 4000/- an dawng bawk a. Mipa inelna ah Keitum Kawnveng Volleyball Club chuan New Serchhip Volleyball Club 3-1 (25-16, 19-25, 25-21,25-19) a hnehin an champion a, Champion Team in Rs. 10,000/- leh pahnihna in Rs. 5000/- dawngin Semi Final thleng ten Rs. 1000/- theuh an dawng bawk.
Comments
Post a Comment