NHIDCL ten Mizoram-a NH. 54 an laih mek hna thawh dan Central YMA in hmunah an enfiah

Central YMA in National Highway Infrastructure Development Corporation Limited (NHIDCL) hnathawh vil tura Monitoring Committee a din chuan nimin khan Zemabawk leh Thingsulthliah inkara NHIDCL hnathawh te endikin, phalna pekna ah chauh leivung paih tur leh an paih tawhna ah pawh a dawlna siam vek turin chu an hrilh.

Nimin-a heng hnathawh te tlawhtu Central YMA Monitoring Committee hi NHIDCL Mizoram-a an hotu ber Virendra Jhakhar, Executive Director hovin, Project (Kawngpui) design-tu te, Contractor te leh Third Party Monitoring Team ten an dawngsawng a, kawngpui siam meka an kawng laihna leivung an paihna hmun leh an paih dan te thlirho a nih bakah leivung dâwlna an siam te, Culvert an siam te leh Kawngpui dâwlna (retaining wall) an siam mek te pawh enhovin Central YMA Team-te chuan NHIDCL in leivung an paihna hmuna phalna an neih ang ang te chu a copy pe turin an hriattir a. Phalna pek an nihna hmun lovah chuan leivungte hi paih tawh lo turin leh an lo paih tawhna zawng zawngah pawh Leivung paihin Environment a tihchhiat lohnan a dâwlna siam vek turin an hrilh bawk a. An lung hman tha lo nia an hriatte pawh a tha chauh hmang turin an hriattir nghal bawk a ni.

Nimin-a helai hmun an tlawhna ah hian kawng tih zauh nana kopang lam an laihte a min tur ven nana tunlai Technology thar Hydro-Seedling & Mulching hmanga thlai, thing leh mau an chin mek te pawh enho a ni bawk a. Ram neitu ten Compensation an hmuh tur ang ang te rang taka an hmuh theih nana hmalak dan tur pawh sawiho a ni bawk.

Central YMA Team te thu sawi hrang hrang te hi NHIDCL hotute chuan tha taka tih hlawhtlin an tum tur thu sawiin, hun remchanga enho leh turin an sawm nghal bawk a. Silchar leh Aizawl inkara Four Lane an laih leh turah chuan leivung paihna, Spoil Bank tur felfai taka buatsaih lawk vek a, Leivung dawlna te siam hmasak vek an tum tawh tih an sawi bawk a ni.

Comments

Popular posts from this blog

Volleyball S/F khel dawn