Minister in Vety Farm tlawh

AH&Vety Minister Dr. K. Beichhua chuan Lunglei District chhunga Lungpuizawl AH & Vety Farm chu nimin khan tlawhin Ar note awpkeu tura hmalakna kal mek te a enpui a, Lungpuizawl AH&Vety Farm-ah hian Ar note 5000 (rainbow rooster) awp keu turin hmalak mek a ni a. Heng Ar note te hi October ni 1, 2022-ah keu hman tura beisei niin he Farm-a Ar awpkeuna khawl hian ni 21 chhungin Ar note 5000 a awp keu thei a ni. Lungpuizawl Farm-a Ar awpkeuna leh Broiler Ar vulhna hi kum 2017-18 ah NABARD RIDF atanga cheng nuai 519.25 hmuh atanga sak a ni a, Aarkon Infrastructure, Uttar Pradesh ten a sak hna hi an thawk a ni.