Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Lok Sabha MP in thlen

Ministry of Development of North Eastern Region (MDONER) Parliamentary Consultative Committee thutkhawm chu nimin khan New Delhi-ah neih niin he hunah hian Mizoram Lok Sabha MP C. Lalrosanga chuan Mizoram in thlawhna tumhmun pakhat chauh a neih chu a tawk lo tih sawiin, Tourism leh kawng danga hmasawn nan Mizoram khawchhak leh chhim lama thlawhna tumhmun neih ngei a tul a ni, a ti a. Hei bakah hian Mizoram chhim lam thlenga Rel kawng phah turin Railways hotute a ngen bawk a, hemi kawnga hma lo lak tawhte tharthawh leh turin Railway Board aiawhte a ngen bakah Mizoram khawchhak lama pipute sulhnu humhalh chunga zinmite tana tlawhpawh theihna tur ruahmanna siam a rawt bawk.

Comments

Popular News (Last 30 Days)