Lai Cultural Centre-cum-Auditorium hawng

North Eastern Council (NEC) sum cheng nuai 466.62 hmanga Lawngtlai-III a Lai Cultural Centre-cum-Auditorium sak thar chu nimin khan Lawngtlai East Bialtu MLA leh Agriculture Development Board Vice Chairman H. Biakzaua chuan a hawng a, he building sak hna hi Art & Culture Department-in enkawlin, Lushai Engineers, Ramhlun, Aizawl in a sak hna an thawk a. February 15, 2018 khan hna tan niin, April 20, 2022 khan zawhfel a ni. A building hi chhawng thum niin Exhibition Hall, Conference Room, Pre-Function Lobby Hall leh Seating Gallery bakah Toilet te dah a ni. Lawngtlai East Bialtu MLA hian nimin zing khan MLA Fund hmanga sak thar Lawngtlai Electric Veng-a Community Health Clinic Centre chu a hawng bawk.