Kolasib District-ah Family Oriented SEDP hawnna nei

Nimin khan Kolasib-a Diakkawn YMA Hall-ah Kolasib District tana 'Family Oriented SEDP' hawnna neih niin bialtu MLA leh Supply Minister K. Lalrinliana chuan khuallian niin a hmanpui a, SEDP-ah chuan chhungtinin eizawnna ngelnghet an neih theih nana hmalakna piah lamah inkalpawhna tha nei tura kawng siam te, khawtin a tui intur thianghlim hnianghnar awm theih nan leh Eng chhit vek a nih theih nan te, ei leh bar a kan intodelh theih nana Department hrang hrang kaltlanga hmalak dan tur ruahmanna te a tel thu a sawi a. Hrileng avanga hun rei tak SEDP a tak a kalpuina tih khawtlai a nih hnuah Sawrkar Department hrang hrang kaltlanga chhungkaw engemaw zat hnena kalpui tan a ni tur chu lawmawm a tih thu a sawi bawk.