Intiam theuh turin ngen

Serchhip District SP chuan Serchhip District mi zawng zawngte ruihhlo ti lo tura intiam (Pledge) turin a ngen a ni.

Hemi chungchanga thuchhuah a siamah Serchhip SP Stephen Lalrinawma chuan kan ramah Ruihhlo a hluar hle a, hemi hi do turin Sawrkar pawhin kawng hrang hrangin hma a la a, chu a hmalakna chikhat ah chuan Ruihhlo ti lo tura mahni intiamna (Pledge) siam a ni tih a tarlang a. India ram pumpui huapa buatsaih anih avangin intiamna (Pledge) nei tawh pawh an tam hle a, chutih laiin Mizoram atanga intiam (Pledge) erawh kan la tam lo tih hriat a ni tih tarlangin, mi zawng zawngin Ruihhlo kan duh lohzia lantir nan he intiamna (Pledge) ah hian hming ziak ve theuh turin a sawm a. A bik takin Serchhip District Police zawng zawngte chu intiam (Pledge) ngei ngei tur a nih thu leh Serchhip District mi zawng zawngte pawh intiam (Pledge) turin a ngen a ni.

Hemi atana intiam tur hian Google-ah ‘pledge.mygov.in’ pledge.mygov.in tih ah luh tur niin chutah chuan Pledge tam tak a lo lang ang a, chumi zingah chuan rawng sen in 'Say Yes to Life, No to Drugs' Pledge tih a lo lang anga. Mahni hming, Phone number bakah tul dangte ziahluh hnuah Pledge (Intiamna) chu hmeh tur a ni.