Hri kai zaa 99.63 dam tawh

Zonuna Kawlni /

Serchhip District-a COVID-19 hri kai hmuh tawh atanga chhutin za zela 99.63 te chu enkawl dam an ni tawh.

Inrinni khan Serchhip District-ah COVID-19 hri kai mi pahnih hmuh belh niin Khawlailung khua ve ve an ni a, nimin ah hri kai hmuhchhuah thar an awm lo. Inrinni khan Serchhip District-a hri kai enkawl mi 15 te chu anmahni enkawlna hmun atanga chhuahtir niin an zinga 12 te hi Khawlailung niin Serchhip Dinthar Veng, East Lungdar leh Thenzawl-ah mi pakhat theuh te an ni a, nimin khan midang 3 te anmahni enkawlna hmun atanga chhuahtir ni leh bawkin Serchhip Field Veng bakah Khawlailung leh Thenzawl atangin mi pakhat theuh an ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,562 niin an zinga 14,509 chu enkawl dam an ni tawh a, hri kai hmuh atanga za zela 99.63 te enkawl dam ni tawhin hri kai enkawllai 17 an la awm a, an zinga 11 hi Khawlailung niin Thenzawl-ah 3 leh Serchhip, East Lungdar leh Mualcheng-ah mi pakhat theuh an ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »