Hri kai enkawllai mi 9 awm

Serchhip District-ah COVID-19 hri kai enkawllai an tlem ve hret hret zel a, nimin tlai thleng khan hri kai enkawllai mi 9 an awm a ni.

Nimin khan Serchhip District-ah COVID-19 hri kai mi pali hmuh belh leh an ni a, heng hri kai hmuh thar te hi Khawlailung leh Thenzawl-ah mi pahnih ve ve an ni. Nimin khan Serchhip District-a hri kai mi 7 te chu anmahni enkawlna hmun atanga chhuahtir an ni ve leh a, heng mi te hi Serchhip P&E Veng-ah mi 2, Zote South ah mi 2 leh East Lungdar, North Vanlaiphai leh Thenzawl-ah mi pakhat theuh te an ni.

Nimin tlai thleng khan Serchhip District atanga COVID-19 hri kai hmuh tawh chu 14,515 niin an zinga 14,468 chu enkawl dam an ni tawh a, hri kai hmuhchhuah zinga za zela 99.67 te chu enkawl dam ni tawhin hri kai enkawllai mi 9 an la awm a, hri kai zingah mi 36 an boral tawh bawk a ni. Tun dinhmunah Serchhip District-a khaw 4-ah COVID-19 hri kai enkawllai la awmin Thenzawl-ah mi 4, Khawlailung-ah mi 3 leh North Vanlaiphai leh East Lungdar-ah mi pakhat ve ve enkawl an la ni a, Serchhip khua bikah hri kai enkawllai an awm tawh rih lo a ni.

Comments

Popular News (Last 30 Days)

Serchhip DCSO sawn a ni