Hri kai enkawllai 9 la awm

Nimin tlai thleng khan Serchhip District-ah COVID-19 hri kai enkawllai mi 9 an awm.

Nimin khan Serchhip District-ah COVID-19 hri kai mi pakhat hmuhchhuah awmin Thenzawl khua a ni a, nimin vek khan Serchhip District-a hri kai enkawllai mi 5 te chu anmahni enkawlna hmun atanga chhuahtir ni ve leh bawkin heng te hi Khawlailung khuaa mi 4 leh Thenzawl-a mi pakhat te an ni.

Heti hian nimin tlai thlenga Serchhip District-a COVID-19 hri kai hmuh tawh chu 14,497 niin an zinga 14,452 te chu enkawl dam an ni tawh a, hri kai hmuhchhuah atanga chhutin za zela 99.68 te enkawl dam an ni tawh a, hri kai enkawllai mi 9 la awmin hri kai zingah mi 36 an boral tawh bawk a ni. Serchhip District chhunga hri kai enkawllai la awm te hi Thenzawl ah mi 5, Serchhip-ah 2 leh Mualcheng leh Kei-tum khua ah mi pakhat ve ve te an ni.