Hri kai enkawllai 33 la awm

Serchhip District-a COVID-19 hri kai en-kawllai chu mi 30 aiin an tam leh tawh.

Nimin khan Serchhip District-ah COVID-19 hri kai mi 4 hmuh belh leh an ni a, heng zinga mi 3 te hi Khawlailung khua niin midang pakhat hi East Lungdar khua a ni a, tunhnai kar khat kalta chhung khan Khawlailung khua atang hian COVID-19 hri kai mi 28 zet hmuhchhuah an ni a, mi 11 enkawl dam an ni thung a, nimin khan hri kai enkawl dam an awm belh lo thung a ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,560 niin an zinga 14,491 te chu enkawl dam an ni tawh a, hri kai hmuh atanga za zela 99.56 te enkawl dam ni tawhin hri kai enkawllai mi 33 an la awm a, hri kai zingah mi 36 an boral tawh a ni. Serchhip District-a COVID-19 enkawllai mi 33 zinga 22 te hi Khawlailung khua an ni a, Thenzawl-ah mi 5, Serchhip-ah 3, East Lung-dar-ah 2 leh Mualcheng-ah mi pakhat enkawl an la awm a ni.

Comments

Popular posts from this blog

Volleyball S/F khel dawn