House-ah Hospital sawilang

Health Minister Dr. R. Lalthangliana chuan Serchhip District Hospital sakna tur chungchang ah CSR atanga pawisa kan hmuh anih angin tih ran a tul thu a sawi.

Nimin-a Assembly inkhawm ah Serchhip bialtu MLA Lalduhoma’n ‘Serchhip District Hospital sakna tur hmun sawrkar in a tichiang tawh em?’ tih a zawhna a chhanna ah Health Minister Dr. R. Lalthangliana chuan Ser-chhip District Hospital hmun tur chungchang chu a buaithlak khawp mai tih a sawi a, “Khilai-a a cheng te in a ngaihdan chi hnih an neih vang a ni mai a, a pawi khawp mai a,” a ti a. Sawrkar pawhin ngaihtuahna a sen thu leh ngaihdan inang lo deuh deuh, inpersan awm chu a buaithlak khawp mai tih sawiin, “CSR atanga kan pawisa hmuh a ni a, tih ran erawh chu a tul khawp mai,” a ti bawk.