Latest News

COVID-19 hri kai enkawllai mi 178 la awm mek

Mizoram-ah COVID-19 hri kai enkawllai tlem ve hret hretin nimin tlai thlengin hri kai enkawllai mi 178 an la awm.

Zirtawpni khan Mizoram-ah Sample 354 enfiah niin heng atang hian COVID-19 hri kai mi 28 hmuh an ni a, Sample enfiah atanga za zela 7.91 te chuan hri an kai a, an vai hian Rapid Antigen Test hmanga Sample enfiah leh hri kai hmuh te vek an ni. Inrinni khan Mizoram-ah Sample 282 enfiah leh niin heng atang hian hri kai mi 41 hmuh an ni a, Sample enfiah atanga chhutin za zela 14.54 ten hri kaiin TrueNat Laboratory atanga hri kai pakhat hmuh tih loh chu Rapid Antigen Test hmanga hri kai hmuh vek an ni.

Inrinni khan Mizoram-ah COVID-19 hri kai mi 38 te anmahni enkawlna hmun atanga chhuahtir niin nimin khan mi 38 te chhuahtir an ni leh a, heti hian nimin tlai thleng khan Mizoram-a COVID-19 hri kai hmuh tawh chu 2,38,295 niin an zinga 2,37,394 chu enkawl dam an ni tawh a, hri kai zingah za zela 99.62 te chu enkawl dam ni tawhin enkawllai mi 178 an la awm a, hri kai zingah mi 723 an boral tawh a ni. Aizawl District-ah hri kai enkawllai la tam berin mi 72 enkawl an la ni a, Siaha District-ah enkawllai awm lovin mi 10 aia tlem enkawlna District 5 a awm bawk.

Comments

Popular News (Last 30 Days)